Ötən gün Rusiya Hava Kosmik Qüvvələri Nikolayev vilayətində Ukraynaya məxsus S-300 hava hücumundan müdafiə sisteminin divizionunu və Donetskdə Buk-M1 hava hücumundan müdafiə sisteminin divizionunu yüksək dəqiqlikli havadan buraxılan raketlərlə məhv edib.
APA-nın Moskva müxbirinin məlumatına görə, bu barədə Rusiya Müdafiə Nazirliyinin rəsmi nümayəndəsi İqor Konaşenkov bu gün keçirdiyi brifinqdə bildirib.
“Nikolayev vilayətinin Bolşiye Lomzaki rayonunda S-300 zenit-raket komplekslərinin və Donetskin Slavyanoqorsk rayonunda Buk-M1 hava hücumundan müdafiə sisteminin diviziyaları məhv edilib", deyə Rusiya MN sözçüsü vurğulayıb.
Konaşenkov Ukrayna tərəfinin indiyədək verdiyi hərbi itkiləri də açıqlayıb:
"Ümumilikdə, xüsusi hərbi əməliyyat başlayandan Ukrayna Silahlı Qüvvələrinin 172 təyyarə, 125 helikopter, 942 pilotsuz uçuş aparatı, 313 zenit-raket kompleksi, 3158 tank və digər zirehli döyüş maşını, 395 reaktiv yaylım atəşi sistemi, 1562 səhra artilleriya qurğusu və minaatan, 3026 ədəd xüsusi təyinatlı hərbi avtomobil texnikası məhv edilib".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
