Rusiya Hava Kosmik Qüvvələri ötən sutka ərzində Ukrayna Silahlı Qüvvələrinin 220-dən çox hərbçisini Nikolayev-Krivoy Roq istiqamətində müəyyən ərazilərdə möhkəmlənməyə cəhd edərkən məhv edib.
APA-nın Moskva müxbirinin məlumatına görə, bu barədə Rusiya Müdafiə Nazirliyindən bildirilib.
Qeyd olunub ki, Rusiya Hava Kosmik Qüvvələri Xerson vilayətində Ukrayna Hərbi Hava Qüvvələrinə məxsus Mi-8 helikopterini vurub. Bundan əlavə, Ukrayna Silahlı Qüvvələrinin reaktiv yaylım atəşi sistemləri üçün 1,5 mindən çox mərmi, o cümlədən Amerikanın HIMARS sistemləri üçün 200-dən çox raket olan iki anbarı vurulub.
"Ötən sutka ərzində Rusiya Silahlı Qüvvələri Krasnopolye ərazisində Ukrayna Silahlı Qüvvələrinin briqadasının döyüş mövqelərinə endirdiyi zərbələr nəticəsində 20-yə qədər ukraynalı hərbçi öldürülüb, 50-dən çoxu isə yaralanıb. Rusiya qoşunları Xarkov vilayətində Amerikanın HIMARS buraxılış qurğusunu məhv edib", deyə Rusiya MN-nin məlumatında qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
