“Putin inflyasiyası” ilə bağlı bəyanatlar “oxumağı və yazmağı bilməyənlər” üçün nəzərdə tutulub, Rusiyanın Donbasdakı hərəkətlərinin bununla heç bir əlaqəsi yoxdur.
APA-nın Rusiya bürosunun məlumatına görə, bunu Rusiya prezidenti Vladimir Putin Sankt-Peterburq Beynəlxalq İqtisadiyyat Forumunun plenar iclasında çıxışında bildirib. O, dünya iqtisadiyyatında mövcud olan hazırkı durumun Ukraynadakı hərbi əməliyyatlarla bağlı olmadığını söyləyib.
“Son vaxtlar mən getdikcə daha çox sözdə, bağışlayın, özümü qeyd etməyi xoşlamıram, amma deməyə bilmərəm ki, biz hamımız Qərbdə “Putin inflyasiyası” haqqında eşitmişik. Bunu görəndə həmişə düşünürəm: "Bu axmaqlıq kimə hesablanıb? Oxuyub yazmağı bilməyənlər üçün... Ən azından oxumağı bilən insanlar nə baş verdiyini həqiqətən başa düşürlər. Donbası azad etmək üçün etdiyimiz hərəkətlərin buna qətiyyən heç bir aidiyyəti yoxdur”, - deyə Rusiya prezidenti vurğulayıb.
Putin Rusiyanı sıxmaq cəhdinin nəticə vermədiyini xatırladıb:
"Hakimiyyət peşəkarcasına işlədi, vətəndaşlar həmrəylik və məsuliyyət nümayiş etdirdilər. Biz iqtisadiyyatı addım-addım gücləndiririk. Rusiyaya qarşı iqtisadi blitskriqin əvvəlcədən uğur qazanmaq şansı yox idi. Biz güclü insanlarıq və istənilən çətinliyin öhdəsindən gələ bilərik. Əcdadlarımız kimi, biz də istənilən problemi həll edəcəyik. Bunu ölkəmizin bütün minillik tarixi sübut edir".
Putin Rusiya iqtisadiyyatının gələcəyi ilə bağlı tutqun proqnozların özünü doğrultmadığını da söyləyib: "Kütləvi sanksiyalar paketindən üç ay sonra biz inflyasiya artımını yatırdıq. Dövlət maliyyəsi davamlıdır. Təkcə may ayında federal büdcənin profisiti yarım trilyon rubl təşkil edib".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
