Rusiya Hava Hücumundan Müdafiə Sistemləri ötən sutka ərzində iki MiQ-29 döyüş təyyarəsini, həmçinin Ukrayna Hərbi Hava Qüvvələrinə məxsus bir Mi-8 helikopteri və 11 pilotsuz uçuş aparatını vurub.
APA-nın Moskva müxbirinin məlumatına görə, bu barədə Rusiya Müdafiə Nazirliyinin rəsmi nümayəndəsi İqor Konaşenkov bu gün keçirdiyi brifinqdə bildirib.
“Rusiyanın hava hücumundan müdafiə sistemləri Nikolayev vilayətinin Snegirevka yaşayış məntəqəsi yaxınlığında Ukrayna Hərbi Hava Qüvvələrinə məxsus iki MiQ-29 təyyarəsini, həmçinin Nikolayev vilayətinin Belaya Krinitsa yaşayış məntəqəsi yaxınlığında Mi-8 helikopterini vurub. Bundan əlavə, Rusiya hava hücumundan müdafiə sistemləri "DXR" regionunda, Xarkov və Xerson vilayətlərində 11 Ukrayna pilotsuz uçuş aparatını vurub", deyə Rusiya MN sözçüsü vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
