Rusiyada məktəbdə 13 nəfəri öldürən şəxsin görüntüləri yayılıb, kimliyi açıqlanıb - VİDEO - YENİLƏNİB

Rusiyada məktəbdə 13 nəfəri öldürən şəxsin görüntüləri yayılıb, kimliyi açıqlanıb - VİDEO  - YENİLƏNİB
# 26 sentyabr 2022 14:14 (UTC +04:00)

Rusiyanın İjevsk şəhərində 88 saylı orta məktəbdə 13 nəfəri öldürən şəxsin kimliyi məlum olub.

APA-nın Rusiya bürosunun İstintaq Komitəsinə istinadən verdiyi məlumata görə, cinayəti törədən şəxs Artyom Kazantsev olub.

Onun 34 yaşı var və o, həmin məktəbin məzunudur. Hazırda müstəntiqlər onun evində axtarış aparır, deyə Rusiya İstintaq Komitəsinin məlumatında qeyd olunub.

***

13:53

Rusiya Federasiyasının İstintaq Komitəsi İjevskdə orta məktəbdə 13 nəfəri öldürərək intihar edən cinayətkarın kadrlarını nümayiş etdirib.

APA-nın Rusiya bürosunun məlumatına görə, RF İstintaq Komitəsinin Telegram kanalında yayılan görüntülərdə cinayətkarın köynəyində nasist svastikasının olduğu görünür.

Rusiya İstintaq Komitəsinin 10 saniyəlik qısa videoçarxında məktəbdəki atışmadan sonra intihar edən silahlının meyiti əks olunub.

Şəxsiyyəti hələlik açıqlanmayan cinayətkarın tamamilə qara geyindiyi və köynəyində qırmızı nasist svastikasının olduğu məlum olub.

#
#

ƏMƏLİYYAT İCRA OLUNUR