Rusiyanın Xabarovsk vilayətinin sabiq qubernatoru Sergey Furqal barəsində 23 il həbs qərarı verilə bilər.
APA xəbər verir ki, bu barədə TASS məlumat yayıb.
Bildirilib ki, bu gün keçirilən məhkəmə prosesində dövlət ittihamçısı Sergey Furqalın cəzasını ciddi rejimli həbsxanada keçməklə 23 il müddətinə azadlıqdan məhrum edilməsi barədə xahiş edib.
Xatırladaq ki, sabiq qubernator iş adamlarının sifarişli qətllərini təşkil etməkdə, qanunsuz silah saxlamaqda və digər qanun pozuntularında ittiham olunur.