Rusiya Federasiyasının Çuvaşiya Respublikasının Çeboksarı şəhərində yaşayış binasında baş verən yanğın nəticəsində 17 nəfər xəsarət alıb.
APA TASS-a istinadən xəbər verir ki, bu barədə FHN-in mətbuat xidmətindən məlumat verilib.
Xəsarət alanlar arasında 8 uşaq da var.
"Son məlumatlara görə, yanğın zamanı 8-i uşaq, 9-u böyük olmaqla 17 nəfər xəsarət alıb. Uşaqların hamısı xəstəxanaya göndərilib və onlardan ikisinin vəziyyəti ağırdır. Böyüklərə gəlincə isə, 8-i xəstəxanaya yerləşdirilib və bir nəfər ambulator müalicəyə göndərilib”, - qeyd olunub.
Həmçinin 40-dan çox insanın yanğından xilas edildiyi bildirilib.