Rusiyada yol qəzasında dörd nəfər ölüb

Rusiyada yol qəzasında dörd nəfər ölüb
# 19 avqust 2022 10:32 (UTC +04:00)

Rusiyanın Omsk vilayətində dəhşətli yol qəzasında dörd nəfər ölüb.

APA “Russian Today”-ə istinadən xəbər verir ki, vilayət hüquq-mühafizə orqanlarından 1965-ci il təvəllüdlü qadının idarə etdiyi “Lada Largus” markalı avtomobilin məsafə saxlamayaraq qarşıda gedən “MTZ-80” markalı traktorla toqquşduğu bildirilib.

Nəticədə avtomobildə olan dörd nəfər - 1985-ci il təvəllüdlü qadın və 2000-ci il təvəllüdlü oğlan hadisə yerində, 10 və 1 yaşlı qızlar isə aldıqları ağır xəsarətlərdən xəstəxanada ölüb.

Avtomobilin xanım sürücüsü, 2012-ci il təvəllüdlü qız və 2014-cü il təvəllüdlü oğlan isə xəstəxanaya yerləşdirilib.

Qəzanın səbəbləri araşdırılır.

#
#

ƏMƏLİYYAT İCRA OLUNUR