Rusiya Silahlı Qüvvələrinin Qərb Hərbi Dairəsinə yeni komandan təyin edilib.
APA-nın Rusiya bürosu xəbər verir ki, yeni təyin olunan komandan general-leytenant Roman Berdnikovdur.
General-leytenant Roman Berdnikov əvvəllər Şərq Hərbi Dairəsinin birləşmiş silahlı birləşmələrinin komandanı olub, daha sonra Suriyadakı Rusiya qoşun qruplaşmasına komandanlıq edib. Berdnikov 1991-ci ildə Kiyev Suvorov Hərbi Məktəbinin məzun olub.
İstefaya göndərilən general-polkovnik Aleksandr Juravlev 2018-ci ildən Qərb Hərbi Dairəsinin qüvvələrinə komandanlıq edib. Bundan əvvəl isə o, da Berdnikov kimi Suriyada Rusiya qoşun qruplaşmasına komandanlıq edib. 2018-ci ildə Rusiya Prezidenti Vladimir Putinin fərmanı ilə o, Rusiya Qəhrəmanı adına layiq görülüb.