Tbilisidə parlament binası ətrafında keçirilən etiraz aksiyasının dağıdılması zamanı saxlanılanların sayı 37 nəfərə çatıb.
APA-nın yerli bürosu xəbər verir ki, bu barədə Gürcüstan Daxili İşlər Nazirliyi məlumat yayıb.
Aksiyanın dağıdılması zamanı 6 nəfərin də xəsarət aldığı bildirilib. Onlardan ikisi polisdir.
***
Saat 20:12
Tbilisidə etiraz aksiyasının dağıdılması zamanı biri polis əməkdaşı olmaqla 3 nəfər xəsarət alıb.
APA-nın yerli bürosu xəbər verir ki, bu barədə Gürcüstan Səhiyyə Nazirliyi məlumat yayıb.
Məlumata əsasən, yaralılar xəstəxanalara yerləşdirilib. Polisin baş nahiyəsindən xəsarət aldığı bildirilib.