İranın paytaxtı Tehranda xəstəxanaya müraciət edənlərin 50 faizi koronavirusun Omicron ştamına yoluxanlardır.
APA-nın Tehran bürosunun məlumatına görə, bunu İranın koronavirusla mübarizə qərargahının Tehran əyaləti üzrə sədr müavini Nadir Təvəkküli deyib.
Onun sözlərinə görə, son 3 həftə ərzində Tehranda xəstəxanaya müraciət edənlərin sayı 40 faiz artıb.
Təvəkküli qeyd edib ki, 10 yaşdan aşağı uşaqlarda koronavirusun Omicron ştamı və qripə yoluxma sayı bərabərdir.