Ukrayna və Rusiya daha 100 hərbçinin meyitini dəyişib.
APA-nın xəbərinə görə, məlumatı Ukraynanın Reinteqrasiya Nazirliyi yayıb. Bildirilib ki, Ukrayna və Rusiya arasında əldə edilmiş razılaşma əsasında həlak olmuş hərbçilərin meyitləri Zaporojye regionundakı cəbhə xəttində "50-nin 50-yə" prinsipi əsasında dəyişdirilib.
Ukraynaya qaytarılan 50 meyitdən 37-nin "Azovstal"da həlak olmuş hərbçilər olduğu bildirilib.
Məlumatda qeyd olunub ki, meyitlərin mübadiləsi prosesi davam etdiriləcək.