ABŞ-ın İran və Rusiyaya qarşı tətbiq etdiyi sanksiyalar iki ölkəni bir araya gətirəcək.
APA-nın Tehran bürosu xəbər verir ki, bunu Rusiya Dövlət Dumasının sədri Vyaçeslav Volodin İran parlamentinin sədri Məhəmməd Baqir Qalibafla keçirdiyi mətbuat konfransında deyib.
O bildirib ki, İranla Rusiya arasında münasibətlər həqiqətən inkişaf edib:
“İran və Rusiya münasibətləri faydalı və real olmalıdır. Əməkdaşlıq memorandumunun imzalanması iki ölkə arasında münasibətləri dərinləşdirəcək”.
Vyaçeslav Volodin, İran parlamentinin nümayəndə heyətinin 2023-cü ildə Moskvada keçiriləcək təhlükəsizlik konfransında iştirak edəcəyinə ümidini ifadə edib: “Biz müstəqil dövlətlərlə dünyada ədalətli struktur və çoxqütblü dünya istəyirik. Ölkələr öz taleyini və gələcəyini sərbəst şəkildə seçməlidir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
