Xarici vətəndaşlığı olan Rusiya vətəndaşları da Rusiya Silahlı Qüvvələrində hərbi xidmət keçəcək.
APA-nın Moskva müxbirinin məlumatına görə, bu gün Rusiya Prezidenti Vladimir Putin Rusiya Federasiyasının Silahlı Qüvvələrində əcnəbi vətəndaşların xidmət keçməsi qaydası haqqında fərman imzalayıb. Müvafiq fərman hüquq-informasiya internet portalında dərc olunub.
Fərman dinc dövrdə xarici dövlətin vətəndaşlığına və ya yaşayış icazəsinə və ya vətəndaşın xarici dövlətin ərazisində daimi yaşamaq hüququnu təsdiq edən digər sənədə malik olan Rusiya vətəndaşlarının hərbi xidmət keçmə qaydasını müəyyən edir.
Yeni qaydaya əsasən, xarici vətəndaşlığı olan Rusiya vətəndaşları da Rusiya Silahlı Qüvvələrində hərbi xidmətə çağırılacaq.
Qeyd edək ki, indiyədək ancaq Rusiya vətəndaşı olan şəxslər hərbi xidmətə çağırılırdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
