Mədəniyyət siyasəti

Ana səhifə

Mədəniyyət siyasəti

Azərbaycanın təmsilçisi “Slavyan bazarı”ndan yarımçıq qayıdıb

14 iyul 2008 09:37 (UTC +04:00)

Bakı. Ülkər Qasımova - APA. Ötən həftənin sonunda Belarusun Vitebsk şəhərində başlayan XVII “Slavyan bazarı” musiqi festivalında Azərbaycan təmsil olunmur. Mədəniyyət və Turizm Nazirliyinin incəsənət şöbəsindən APA-ya bildirilib ki, nazirlik tərəfindən festivalda Azərbaycanı təmsil etmək üçün göndərilmiş “Yeni ulduz - 6” müsabiqəsinin iştirakçısı Ələkbər Şahmuradov finala vəsiqə qazana bilməyib. Festivala qatılmaq üçün Mədəniyyət və Turizm Nazirliyinə özü müraciət edən Ə. Şahmuradov səhhətindəki problemlə əlaqədar finala yüksələ bilməyib. Festivalın 21 iştirakçısından 12-si finala vəsiqə qazanıb.
Qeyd edək ki, “Slavyan bazar”ı festivalı çərçivəsində keçirilən konsertlərdə Elnur Hüseynov və Samir Cavadzadə də çıxış edirlər.