“Ağa Məhəmməd şah Qacar” adlı çoxseriyalı televiziya filmi çəkiləcək
19 iyul 2008 10:08 (UTC +04:00)
Bakı. Laura Cəbrayıllı APA. “Ağa Məhəmməd şah Qacar” adlı çoxseriyalı televiziya filmi çəkiləcək.
Bu barədə APA-ya filmin quruluşçu rejissoru Əbdül Mahmudbəyov məlumat verib. O bildirib ki, tamaşaçılara ilk dəfə Qacarlar sülaləsi və islam tarixi ilə bağlı yeni məlumatlar təqdim olunacaq: “Əvvəl bədii film çəkməyə hazırlaşsaq da, Cəfər Cabbarlı adına “Azərbaycanfilm” kinostudiyasında aparılan təmir işləri ilə əlaqədar ssenarini yenidən işlədik. Biz əlimizdə olan zəngin materialları tamaşaçılara çoxseriyalı televiziya filmində təqdim etməyə qərar verdik”. Hələlik Oruc Qurbanovun ssenarisi əsasında 4 seriyalı filmin çəkilməsi nəzərdə tutulub. Rejissorun sözlərinə görə, seriyaların sayı artırıla bilər: “Mərhum prezident Heydər Əliyevin xatirəsinə həsr etdiyimiz filmin İctimai Televiziyada yayımlanması nəzərdə tutulur”.
Bu barədə APA-ya filmin quruluşçu rejissoru Əbdül Mahmudbəyov məlumat verib. O bildirib ki, tamaşaçılara ilk dəfə Qacarlar sülaləsi və islam tarixi ilə bağlı yeni məlumatlar təqdim olunacaq: “Əvvəl bədii film çəkməyə hazırlaşsaq da, Cəfər Cabbarlı adına “Azərbaycanfilm” kinostudiyasında aparılan təmir işləri ilə əlaqədar ssenarini yenidən işlədik. Biz əlimizdə olan zəngin materialları tamaşaçılara çoxseriyalı televiziya filmində təqdim etməyə qərar verdik”. Hələlik Oruc Qurbanovun ssenarisi əsasında 4 seriyalı filmin çəkilməsi nəzərdə tutulub. Rejissorun sözlərinə görə, seriyaların sayı artırıla bilər: “Mərhum prezident Heydər Əliyevin xatirəsinə həsr etdiyimiz filmin İctimai Televiziyada yayımlanması nəzərdə tutulur”.