İşğaldan azad olunan ərazilərdə dağıdılan dini abidələr və məscidlərin bərpasına dair layihə üzrə işlərə başlanılıb

İşğaldan azad olunan ərazilərdə dağıdılan dini abidələr və məscidlərin bərpasına dair layihə üzrə işlərə başlanılıb
  • Clock-gray 18:50
  • calendar-gray 11 Dekabr 2020

Heydər Əliyev Fondunun prezidenti Mehriban Əliyevanın tapşırığına əsasən mütəxəssis qrupu işğaldan azad olunan ərazilərimizdə ermənilər tərəfindən dağıdılan dini abidələr, məscidlərin bərpasına dair layihəsi üzrə işlərə başlayıb.

APA-nın xəbərinə görə, Heydər Əliyev Fondunun yaydığı məlumatda bildirilib ki, Avstriyanın “Atelier Erich Pummer GesmbH” şirkətinin rəhbəri, memar Erix Pummer Ağdam məscidində olub və məscidin mövcud vəziyyətinə dair qiymətləndirmə aparılıb.

Xatırladaq ki, Heydər Əliyev Fondu Qarabağ ərazisində Azərbaycan xalqının milli sərvəti olan dini abidələrin, məscidlərin bərpası üzrə layihəyə başlayıb. Layihə çərçivəsində yerli və xarici mütəxəssislərin iştirakı ilə bölgədəki ziyarətgahlarımızın bərpası, konservasiyası və yenidən qurulması həyata keçiriləcək. İşğal illəri ərzində Şuşa şəhərində və Ağdam rayonunda dağıntılara məruz qalmış dini ibadət yerlərinin bərpası üzrə müvafiq işlərə artıq başlanılıb.

apa-logo-mini

Digər xəbərlər