Bu həftədən etibarən, “İçərişəhər” Dövlət Tarix-Memarlıq Qoruğu İdarəsi tərəfindən Qala divarının bir hissəsinin - bürcün restavrasiyasına başlanıb.
Bunu APA-ya açıqlamasında “İçərişəhər” Dövlət Tarix-Memarlıq Qoruğu İdarəsinin aparat rəhbəri Riad Qasımov deyib.
Onun sözlərinə görə, iki il öncə divarın bir hissəsinin daşları tökülmüş və bəzi möhkəmləndirmə işlərinə başlanılmışdı: "Bu proses yekunlaşdıqdan sonra isə artıq həm yerli, həm də avstriyalı mütəxəssislər tərəfindən bürcün bərpa-restavrasiyasına start verilib. Düşünürük ki, proses bir il müddətinə yekunlaşacaq”.
Bərpa işlərinə rəhbərlik edən Atelye Eric Pumer MMC-nin meneceri Çingiz Neymanzadə isə bərpa işləri haqqında məlumat verib: “Artıq xüsusi maddələrlə daşın nə vəziyyətdə olduğunu təyin edirik. Bundan sonra müəyyən bərpaedici məhlullarla uçulmuş hissələri bərpa etməyə başlayacağıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
