Dilçilik İnstitutu: KİV-də, reklam daşıyıcılarında dil normalarının pozulmasına görə cərimə tətbiq edilməlidir

Dilçilik İnstitutu: KİV-də, reklam daşıyıcılarında dil normalarının pozulmasına görə cərimə tətbiq edilməlidir
  • Clock-gray 17:03
  • calendar-gray 06 May 2020

“AMEA-nın Nəsimi adına Dilçilik İnstitutu 2011-ci ildən kütləvi informasiya vasitələrində, reklam daşıyıcılarında radio və televiziya aparıcılarının nitqinin monitorinqini aparır”.

APA-nın məlumatına görə, bunu Milli Məclisin İnsan Hüquqları və Hüquq siyasəti və Dövlət quruculuğu komitəsinin bu gün keçirilən birgə iclasında ictimai dinləmələr zamanı AMEA-nın Nəsimi adına Dilçilik İnstitutunun monitorinq şöbəsinin müdiri Sevinc Əliyeva deyib.

O bildirib ki, indiyədək on minlərlə qüsur, nitq pozuntusu barədə keçirilən konfranslarda açıqlamalar veriblər: “Reklam daşıyıcılarında da başqa dillərdən tərcümə olunmuş reklam mətnlərində sintaktik, leksik norma pozulur. Ona görə də KİV-də, reklam daşıyıcılarında dil normalarının pozulmasına görə cərimələrin tətbiq edilməsi mütləqdir, vacibdir. Çünki bəzi qurumların rəhbərləri verilən tövsiyə və təklifləri ciddi qəbul etmir, yenə də eyni səhvlərin təkrarlanmasına yol verirlər”. 

Firuzə Vahid

Digər xəbərlər