“Bakı Xəbər” qəzeti bu gündən nəşrini dayandırıb
31 may 2007 12:02 (UTC +04:00)
“Bakı Xəbər” qəzeti bu gündən nəşrini dayandırıb. Qəzetin baş redaktoru Aydın Quliyev APA-ya açıqlamasında bildirib ki, “Azərbaycan” Nəşriyyatına olan borca görə dərcini dayandıran qəzetin çapının bərpası üçün mümkün addımları atacaqlar. Hazırda nəşriyyata olan borclarını qaytarmaq imkanında olmadığını bildirən baş redaktor bununla bağlı nəşriyyat rəhbərliyinə məktubla müraciət etdiyini deyib: “Mən nəşriyyatın rəhbərliyi ilə görüşüb bu məsələni müzakirə etmək istəyirəm. İstənilən halda, qəzetin nəşrini bərpa etmək fikrindəyik. Buna görə də borcun qaytarılması üçün nəşriyyat rəhbərliyindən qəzetin bərpasına qədər möhlət istəmək fikrindəyəm. Biz bu borcu ödəməkdən boyun qaçırmırıq”. A. Quliyev onu da qeyd edib ki, 25 əməkdaşı olan qəzet kollektivi və müxbirlər hələlik başqa redaksiyalarla əməkdaşlıq etmir. O, qəzetin binasından çıxmaq fikrində olmadıqlarını da dedi: “Bura bizim özəl mülkümüzdür”. /APA/
Media
Azərbaycan-Ermənistan sərhədində gərginliyin artması ilə bağlı əsassız məlumat yayan iki nəfər müəyyən edilib
17:33
8 aprel 2024
Azərbaycanda yeni radio yayıma başlayır
17:20
5 aprel 2024
TikTok-da şəhidlərimizin olması barədə saxta xəbərlərlə əlaqədar müvafiq tədbirlər görülür
10:45
31 mart 2024
Bakıda MDB Dövlət İnformasiya Agentlikləri Rəhbərləri Şurasının iclası keçiriləcək
17:47
29 mart 2024