Sabah Eynulla Fətullayevin MTN-də dindiriləcəyini gözlənilir
07 iyun 2007 12:12 (UTC +04:00)
“Gündəlik Azərbaycan” və “Realnıy Azərbaycan” qəzetlərinin baş redaktoru və təsisçisi Eynullaya Fətullayevin barəsində çıxarılan məhkəmə hökmündən kasasiya şikayəti veriləcək. Bu barədə APA-ya məlumat verən E. Fətullayevin vəkili İsaxan Aşurov bildirib ki, Apellyasiya Məhkəməsinin qərarı əldə edildikdən sonra Ali Məhkəməyə müraciət ediləcək. İ. Aşurov hazırda Milli Təhlükəsizlik Nazirliyinin İstintaq Təcridxanasında saxlanılan E. Fətullayevin bu günə kimi dindirilmədiyin bildirib: “Eynulla Fətullayev hələlik dindirilməyib. Yəqin ki, sabah ifadəsi alınacaq”. Qeyd edək ki, Apellyasiya Məhkəməsi Yasamal rayon Məhkəməsinin E. Fətullayev barəsində xüsusi ittiham əsasında çıxardığı hökmü qüvvədə saxlayıb. E. Fətullayev bir qrup Xocalı sakininin xüsusi ittiham qaydasında qaldırdığı iddia əsasında Cinayət Məcəlləsinin 147-ci (böhtan) maddəsi ilə ittiham olunaraq 2 il 6 ay azadlıqdan məhrum edilib. Mayın 29-da isə E. Fətullayev saxlandığı 1 saylı Bayıl İstintaq Təcridxanasından Cinayət Məcəlləsinin 214-cü maddəsi ilə terrorçuluqla hədələmə faktı üzrə başlanan cinayət işi ilə bağlı MTN-in İstintaq Təcridxanasına köçürülüb. /APA/
Media
MEDİA sosial şəbəkə istifadəçilərinə çağırış edib
17:12
22 aprel 2024
MEDİA: Ermənistan mediasında mənbəyi olmayan məlumatlar yayılır
13:16
20 aprel 2024
Naxçıvan Muxtar Respublikasının Ali Məclisinə yeni hüquq verilir
13:04
19 aprel 2024
Azərbaycan-Ermənistan sərhədində gərginliyin artması ilə bağlı əsassız məlumat yayan iki nəfər müəyyən edilib
17:33
8 aprel 2024