APA GROUP-a daxil olan “apasport.az” saytı yenilənib. Ölkəmizin ilk Azərbaycan dilli idman saytı oxucuları ilə görüşə həm yeni dizayn, həm yeni məzmunda gəlir.
Azərbaycan mətbuatında ilk dəfə idman saytında oyunların onlayn nəticələri əks olunub. Futbolsevərlər, həmçinin bütün idman növləri üzrə azarkeşlər canlı gedən qarşılaşmaların hesablarını buradan birbaşa izləyə bilirlər. Hər bir ölkə üzrə turnir cədvəlləri onlayn yenilənir və heç bir yerdə dərc olunmayan statistikalarla “apasport”da tanış olmaq mümkündür.
Yarandığı gündən dünya və Azərbaycan idmanında baş verən ən önəmli hadisələri oxucularına çatdırmaqda davam edən “Apasport” proqnozsevərlərə kuponlar da təklif edir. “Günün kuponu”, “Təkli kupon” və “Ekspress kupon” xüsusi proqnoz komandamız tərəfindən hazırlanaraq təqdim olunur. Yaxın müddətdə xarici ekspertlərin və fəal proqnozsevərlərin də bu işə cəlb edilməsi planlaşdırılır.
Həmçinin tanınmış futbol ekspertlərinin oyunlarla bağlı proqnozları “Mütəxəssis rəyi”ndə əks olunur. Həm yerli, həm xarici mütəxəssislərin matçlar barədə gözləntilərini “apasport”da tapmaq mümkündür.
Yaxın planda oxucular arasında uduşlu müsabiqələrin keçirilməsi də var. Bundan əlavə, tez-tez maraqlı vidoeroliklərlə də görüşünüzə gələcəyik.
Saytda yeni rubrikalar da fəaliyyətə başlayıb.
“Ofsayd” rubrikası uzun müddət kənarda qalanlara, “Ulduzlar” isə dünya miqyasında tanınan idmançıların həyatına həsr olunub.
Yeniliklərlə tanış olmaq üçün bizi izləməyə davam edin!!!
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
