“Audioviziual medianın tənzimlənməsi sahəsində təcrübələrin bölüşdürülməsi ölkələrimiz üçün önəm kəsb edir”.
APA xəbər verir ki, bunu Türk Dövlətləri Təşkilatına üzv və müşahidəçi ölkələrin Audiovizual media üzrə Tənzimləyici Orqanlarının 1-ci Toplantısında Azərbaycan Respublikası Prezidentinin Administrasiyasının Rəqəmsal media ilə iş sektorunun müdiri Elmir Vəlizadə deyib.
O qeyd edib ki, bu sahələrdə əməkdaşlıq dövlətlərimizdə baş verən hadisələr barədə geniş ictimaiyyətə düzgün məlumat çatdırmağa xidmət edəcək: “Azərbaycanda audiovizual sahənin tənzimlənməsində təcrübə mövcuddur. Azərbaycan regionda rəqəmli televiziyaya keçid etmiş ilk ölkələr sırasında olub. Yeni qəbul olunmuş “Media haqqında” qanun beynəlxalq təcrübələrə uyğundur və medianın tərkib hissəsi olan audioviziual sahədə də tənzimləməni əhatə edir. Azərbaycan və Türkiyə arasında media sahəsində əməkdaşlıq inkişaf etməkdədir. TDT-yə üzv olan dövlətlər arasında da bu əməkdaşlığın inkişaf etdirilməsi əsas məqsədlərdən biridir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
