Jurnalist Aygün Əliyevanın müalicəsi davam etdirilir.
Bu barədə TƏBİB-dən APA-nın sorğusuna cavabda bildirilib.
Qeyd edilib ki, fevralın 27-i saat 11:45 radələrində dərman zəhərlənməsi diaqnozu ilə TƏBİB-in tabeliyindəki Kliniki Tibbi Mərkəzin Toksikologiya şöbəsinə yerləşdirilən 1982-ci il təvəllüdlü Aygün Əliyevanın vəziyyəti stabildir: “Hazırda müalicəsi davam etdirilir".
Xatırladaq ki, fevralın 27-də AZƏRTAC-ın sabiq əməkdaşı Aygün Əliyevanın intihar məqsədilə xeyli həb qəbul etdiyi barədə məlumatlar yayılıb.