"Yarışa yaxşı hazırlaşmışıq. Mən də yaxşı formadayam. Məqsədim çıxışımı uğurla başa vurmaqdır".
Bunu APA-nın Minskə ezam olunmuş əməkdaşına açıqlamasında Azərbaycan çempionu Lorenzo Sotomayor deyib.
69 kq çəki dərəcəsində mübarizə aparan Olimpiya mükafatçımız Minsk-2019-a qələbə ilə başlayıb. O, 1/16 final çərçivəsində ermənistanlı Qurqen Madoyana 5:0 hesabı ilə qalib gəlib.
L. Sotomayor bildirib ki, rəqibi üzərində inamlı qələbəsində məşqçilər korpusunun da lazımı tövsiyələri rol oynayıb: "İlk qarşılaşma bir qədər çətin olur. Mən də rəqibimi kifayət qədər analiz etmişdim. Bu cəhətdən də görüşdə ciddi çətinlik çəkmədim. Məqsədim erməniyə qalib gəlmək idi və 5:0 hesabı ilə qələbə qazandım".
Boksçumuz 1/8 finalda Adem Fetahoviçlə (Bosniya və Herseqovina) görüşəcək. L. Sotomayorun sözlərinə görə, məqsədi tək bu görüşdə deyil, bütün qarşılaşmalarda qalib olmaqdır: "Növbəti görüşdəki rəqibimi demək olar ki, tanımıram. Amma döyüşünə baxdım. Ona da qalib gəlmək istəyirəm. Hədəfim Bakı-2015-də olduğu kimi, yenə Avropa Oyunlarının çempionu olmaqdır".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
