Bakı-2019 Avropa Gənclər Yay Olimpiya Festivalının həndbol yarışlarında həlledici mərhələ start götürüb.
APA-nın məlumatına görə, medallar uğrunda mübarizədən kənar qalan qızlardan ibarət Azərbaycan yığması 5-8-ci yerlər uğrunda matçlarda qüvvəsini sınayır.
Komandamız bu gün Rumıniya ilə görüşüb. 22:35 hesabı ilə uduzan milli turnirdə 4-cü məğlubiyyətini alıb.
Bu yenilgidən sonra millimiz sabah keçiriləcək son oyununda 7-ci yer üçün mübarizə aparacaq. Komandamızın rəqibi bu gün baş tutacaq Çexiya – İspaniya matçında bəlli olacaq.