Bakı-2019: Azərbaycan millisinin 6 atleti mübarizəni dayandırıb - YENİLƏNİB

Bakı-2019: Azərbaycan millisinin 6 atleti mübarizəni dayandırıb - YENİLƏNİB
  • Clock-gray 21:40
  • calendar-gray 22 İyul 2019

Bakı-2019 Avropa Gənclər Yay Olimpiya Festivalının atletika yarışları davam edir.

APA-nın məlumatına görə, Azərbaycan millisinin daha iki üzvü qüvvəsini sınayıb.

Qızların 400 m məsafəyə qaçışında Nika Məmmədova mübarizə aparıb. O, 1 dəqiqə 03,34 saniyə nəticə göstərib. I mərhələnin 24 iştirakçısı arasında sonuncu olan atlet mübarizəni dayandırıb.

Oğlanların uzunluğa tullanma yarışında da təmsilçimiz uğursuz çıxış edib. Təsnifatda 5,74 m nəticəyə imza atan Məmmədağa Məmmədov sonuncu – 20-ci yerlə kifayətlənib.

Qeyd edək ki, bu gün səhər sessiyasında da 4 idmançımız mübarizəni dayandırıb.

***

Saat. 13:05

Bakıda keçirilən Avropa Gənclər Yay Olimpiya Festivalının atletika yarışları start götürüb.

APA-nın məlumatına görə, bu idman növü üzrə yarışların ilk günündə Azərbaycan millisinin dörd üzvü səhər sessiyasında qüvvəsini sınayıb.

Yığma üzvləri mərhələ adlaya bilməyərək mübarizəni dayandırıblar. Qızların nüvə itələmə yarışında təsnifat mərhələsi başa çatıb. Günel Hüseynova 12,20 m nəticə ilə 20 iştirakçı arasında sonuncu olub.

Qızların 800 m məsafəyə qaçış yarışında da 20 atlet mübarizə aparıb. 2 dəqiqə 42,84 saniyə nəticəyə imza atan Günel Manafova I mərhələdə 20-ci yeri tutub.

Fəxriyyə Tağızadə qızların 100 m məsafəyə qaçış yarışında sürətini yoxlayıb. O, I mərhələdə 12,27 saniyə nəticəyə nail olub. Atlet 20 idmançı arasında 15-ci olub.

Oğlanların 100 m məsafəyə qaçışında çıxış edən Aleksey Ələkbərov da I mərhələdə sonuncu olub. O, start xəttinə çıxan 20 iştirakçı arasında finişə çatan 19-u arasında ən aşağı nəticə göstərib – 11,43 saniyə.

apa-logo-mini

Digər xəbərlər

Arxiv

date