Bakı-2019 Avropa Gənclər Yay Olimpiya Festivalında oğlan həndbolçuların iştirakı ilə növbəti oyunlar keçirilib.
APA-nın məlumatına görə, qrupda keçirdiyi bütün matçlarda uduzan Azərbaycan millisi 5-8-ci yerlər uğrunda mübarizə aparır.
Komandamız bu gün İslandiya ilə görüşüb. 11:48 (4:20) hesabı ilə uduzan millimiz 7-ci yer uğrunda görüşdə meydana çıxacaq.
Yığmamız sabah saat 11:30-da başlayacaq matçda Serbiya ilə görüşəcək. Sonuncular bu gün Sloveniyaya uduzublar – 22:24.
Qeyd edək ki, finalda Xorvatiya ilə Almaniya üz-üzə gələcək.