Bakıda keçirilən XV Avropa Gənclər Yay Olimpiya Festivalında voleybolçular mübarizəyə qoşulublar.
APA-nın məlumatına görə, oğlanlardan ibarət Azərbaycan milli komandası ilk oyununu keçirib.
A qrupunda çıxış edən yığmamız Almaniya ilə görüşüb. Qarşılaşma qonaqların qələbəsi ilə nəticələnib – 3:0 (31:29, 25:19, 25:22).
Bu qrupun digər oyununda Rusiya Belarusa qalib gəlib – 3:0 (25:20, 25:21, 25:20).
Qeyd edək ki, millimiz sabah Belarus, birigün isə Rusiya ilə üz-üzə gələcək.