Gənclər və İdman Nazirliyi APA-nın əməkdaşını təltif edib - VİDEO

Gənclər və İdman Nazirliyi APA-nın əməkdaşını təltif edib - VİDEO
  • Clock-gray 18:10
  • calendar-gray 05 İyul 2019

Gənclər və İdman Nazirliyində II Avropa Oyunlarını Minskdən işıqlandırmış jurnalistlərlə görüş keçirilib.

APA-nın xəbərinə görə, görüşdə Gənclər və İdman nazirinin müavini İsmayıl İsmayılov və nazirliyin mətbuat katibi Səmayə Məmmədova iştirak ediblər.

İ. İsmayılov nazir Azad Rəhimovun adından jurnalistlərə təşəkkürünü bildirərək, ölkədə idmana dövlət səviyyəsində göstərilən diqqət və qayğıdan danışıb.

O, Bakı-2015 l Avropa Oyunlarının yüksək səviyyədə təşkil olunduğunu qeyd edərək, yarışa Avropa Olimpiya Oyunları adının verilməsini daha məqsədəuyğun saydığını vurğulayıb.

Nazir müavini idmançıların uğurlu çıxışlarının təbliğatında jurnalistlərin rolunu da qeyd edib: “82 idmançıya 28 medal çox böyük uğurdur. Amma bu, arxayınlıq yaratmamalıdır. Tokio Yay Olimpiya Oyunları Avropa Oyunları kimi olmayacaq”.

S. Məmmədova bildirib ki, nazirliyin və özlərinin dəstəyi ilə bir qrup aparıcı media qurumlarının əməkdaşları Minskdə iştirak edərək, II Avropa Oyunlarını işıqlandırıblar.

Sonra Minskə Gənclər və İdman Nazirliyinin xətti ilə yollanan jurnalistlər Azad Rəhimovun qərarı ilə mükafatlandırılıblar. Fəxri fərmanlar alan jurnalistlərin sırasında APA-nın əməkdaşı Tahir Hümmətov da var. O, “Minsk 2019 II Avropa Oyunları"nın işıqlandırılmasında göstərdiyi peşəkarlığa görə təltif edilib.

Görüşün yekununda jurnalistlər yarışla bağlı təəssüratlarını bölüşüblər.

apa-logo-mini

Digər xəbərlər

Arxiv

date