Minsk-2019: Elmira Qəmbərova Oyunları ikinci yerdə bitirib

Minsk-2019: Elmira Qəmbərova Oyunları ikinci yerdə bitirib
  • Clock-gray 20:53
  • calendar-gray 28 İyun 2019

Belarusun paytaxtı Minskdə keçirilən II Avropa Oyunlarında qadın güləşçilər daha bir çəki dərəcəsində mükafatçıları müəyyənləşdiriblər.

APA-nın Minskə ezam olunmuş əməkdaşının məlumatına görə, 62 kq çəki dərəcəsində bürünc və qızıl medal uğrunda qarşılaşmalar baş tutub.

Azərbaycan yığmasının üzvü Elmira Qəmbərova çempionluq uğrunda görüşə çıxıb. O, ukraynalı Yuliya Tkaçla üz-üzə gəlib. Daha fəal güləşən ukraynalı idmançı xalçadan qələbə ilə ayrılıb – 4:0. E.Qəmbərova isə Avropa Oyunlarının gümüş medalını qazanıb.

Bu, Azərbaycan yığmasının Minsk-2019-da qazandığı 20-ci medal olub. Yığmamızın hesabında 3 qızıl, 6 gümüş və 11 bürünc mükafat var.

Qeyd edək ki, E.Qəmbərovaya qədər Mariya Stadnik (50 kq) qızıl, Alyona Kolesnik (57 kq) bürünc mükafata yiyələnib. Bu gün daha bir qadın güləşçimiz mükafat uğrunda mübarizə aparacaq. Səbirə Əliyeva (76 kq) bürünc medal uğrunda görüşdə qüvvəsini sınayacaq.

apa-logo-mini

Digər xəbərlər

Arxiv

date