Azərbaycan stend atıcıları Belarusun paytaxtı Minskdə keçirilən II Avropa Oyunlarındakı çıxışlarını başa vurublar.
APA-nın məlumatına görə, təmsilçilərimiz stenddəki yarışların son günündə skitdə qüvvələrini sınayıblar.
Qarışıq komandaların mübarizəsində ölkəmizi Emin Cəfərovla Nurlana Cəfərova təmsil edib. 136 xal toplayan snayperlərimiz təsnifat mərhələsini 9-cu yerdə başa vurublar. Komandamız finala yüksələn “dördıük”dən kənarda qalıb.
Qeyd edək ki, bu gün baş tutacaq final mərhələsi ilə stend atıcılığı yarışlarına yekun vurulacaq.