Tokio Olimpiadasında isti havada qar istehsal edən maşınlardan istifadə olunacaq
-
11:11
-
05 Sentyabr 2019
2020-ci ildə Yaponiyanın paytaxtı Tokioda keçiriləcək Olimpiya Oyunlarında təşkilatçılar qar istehsal edən maşınlardan yararlana bilərlər.
APA-nın məlumatına görə, hava isti olacağı halda, bu maşınlar işə düşəcəklər.
Azarkeşlərin rahatlığını düşünən yaponiyalılar temperatur 30 dərəcəni keçərsə, süni qardan istifadə edəcək. Sentyabrın 13-də maşınlar sınaqdan keçiriləcək. Test zamanı 2 ton qar istehsal olunacaq.
Təşkilatçılar atletikanın marafon növündə iştirak edən idmançıları da nəzərə alıblar. Bu növdə yarışlar yerli vaxtla səhər saat 6-da başlayacaq. Bu da yarışın isti havaya təsadüf etməməsi üçündür.
Trasın böyük hissəsi xüsusi sintetik örtüklə bağlanacaq. Bu infraqırmızı şüaların qarşısını alacaq və nəticədə örtüyün istiliyi 8 dərəcə aşağı düşəcək.
Qeyd edək ki, Tokio 1964-cü ildə də Yay Olimpiya Oyunlarını qəbul edib. Lakin həmin vaxt yarışlar daha sərin vaxtda - oktyabr ayında keçirilib. Bu dəfə isə iyulun 24-də başlayacaq Oyunlar avqustun 9-da başa çatacaq.
Digər xəbərlər
VİDEO XƏBƏRLƏR
FOTO XƏBƏRLƏR
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
Ağstafada iki ədəd 122 mm-lik raket aşkar olunub
Azərbaycanda “Əşyaların interneti” laboratoriyası yaradılıb
