Bakı-2019: Azərbaycan üzgüçüsü final mərhələsinə yüksəlib - YENİLƏNİB - FOTOSESSİYA

Bakı-2019: Azərbaycan üzgüçüsü final mərhələsinə yüksəlib - YENİLƏNİB - FOTOSESSİYA
# 23 iyul 2019 19:12 (UTC +04:00)

Azərbaycan üzgüçüsü Ramil Vəlizadə Bakıda keçirilən Avropa Gənclər Yay Olimpiya Festivalının final mərhələsinə vəsiqə qazanıb.

APA-nın məlumatına görə, 200 m məsafəyə batterflyay üsulu ilə üzən idmançı yarımfinal mərhələsini uğurla adlayıb.

O, finişə 2 dəqiqə 02,63 saniyəyə çatıb. 1-ci “səkkizlik”də qalib olan üzgüçü bununla da finala vəsiqə qazanıb. Ümumilikdə isə təmsilçimiz yarımfinalda 3-cü nəticə göstərib.

Qeyd edək ki, bu növdə final mərhələsi sabah saat 17:00-da başlayacaq.

***

Saat. 11:59

Bakı-2019 Avropa Gənclər Yay Olimpiya Festivalında üzgüçülük yarışları davam edir.

APA-nın məlumatına görə, bu idman növü üzrə ikinci yarış günündə Azərbaycan yığmasının dörd üzvü mübarizə aparıb.

Oğlanların 200 m məsafəyə batterflyayla üzmək yarışı millimiz üçün uğurlu alınıb. Azərbaycan idmançısı Ramil Vəlizadə Bakı-2019-da mərhələ adlayan ilk üzgüçümüz olub. 2 dəqiqə 03,27 saniyə nəticə göstərən R.Vəlizadə 27 iştirakçı arasında 7-ci olub. O, saat 18:12-də başlayacaq yarımfinalda qüvvəsini sınamaq imkanı qazanıb.

100 m məsafəyə sərbəst üsulla üzən oğlanların mübarizəsində Maksim Petrenko 47 iştirakçı arasında 46-cı yeri tutub. O, finişə 56,78 saniyəyə çatıb.

Qızların eyni üsulla 400 m məsafəyə üzmə yarışında Aysel Səfərova uğursuz çıxış edib. 4 dəqiqə 47,84 saniyə nəticəyə imza atan üzgüçümüz 42 idmançı arasında 39-cu olub.

Rəşad Əliquliyev sərbəst üsulla 1500 m məsafəyə üzən oğlanların mübarizəsində qüvvəsini sınayıb. Məsafəni 17 dəqiqə 36,55 saniyəyə qət edən üzgüçümüz 14 iştirakçı arasında sonuncu yeri tutub.

Olimpiada

#
#

ƏMƏLİYYAT İCRA OLUNUR