Rəsmi xəbər

Ana səhifə

Rəsmi xəbər

Ağcabədi və Bərdədə 20 subartezian quyusu qazılacaq - SƏRƏNCAM

04 iyun 2021 14:38 (UTC +04:00)

Prezident İlham Əliyev "Ağcabədi və Bərdə rayonlarında əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında" Sərəncam imzalayıb.

APA-nın məlumatına görə, sərəncama əsasən Ağcabədi və Bərdə rayonlarının əhalisi 37061 nəfər olan 18 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 20 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.8.8-ci yarımbəndində göstərilmiş məbləğin 1,4 milyon (bir milyon dörd yüz min) manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.

Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

Sıra №-si	Rayonun adı	Quyuların sayı, ədəd	Yaşayış məntəqələrinin adı	Əhalinin sayı, nəfər
1.	Ağcabədi	10	Göyük kəndi (2 quyu)	931
			Hindarx qəsəbəsi	9721
			Xocavənd kəndi	3778
			İmamqulubəyli kəndi	1240
			Salmanbəyli kəndi	2692
			Şahmalılar kəndi	328
			Şərəfxanlı kəndi	957
			Yuxarı Qiyaməddinli kəndi (2 quyu)	3555
	Bərdə	10	Bala Qacar kəndi	904
			Birinci Qaradəmirçi kəndi	2218
			Əmirli kəndi	2048
			Hacallı kəndi	1740
			Xanərəb kəndi	2266
			Xanxanımlı kəndi	407
			İkinci Nazırlı kəndi	824
			Körpüsındıran kəndi	722
			Kürdborakı kəndi	721
			Mehdixanlı kəndi	2009
Cəmi:		20	18	37 061