Maliyyə Monitorinqi Xidməti iki ay müddətində maliyyə institutlarının maliyyə monitorinqi orqanına məlumat və sənədlər təqdim etməli olduqları nağd şəkildə həyata keçirilən əməliyyatların məbləğinin minimum həddini müəyyən edib Azərbaycan Respublikasının Prezidentinə məlumat verməlidir.
APA-nın xəbərinə görə, bu, Prezident İlham Əliyevin bu gün imzaladığı “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunun tətbiqi barədə fərmanda əksini tapıb.
Eyni zamanda Maliyyə Monitorinqi Xidməti iki ay müddətində maliyyə institutlarının maliyyə monitorinqi orqanına məlumat və sənədlər təqdim etməli olduqları maliyyə vəsaitlərinin elektron köçürülməsi əməliyyatlarının məbləğinin minimum həddini, öhdəlik daşıyan şəxslər, habelə auditor xidməti göstərən şəxslər tərəfindən məlumat və sənədlərin maliyyə monitorinqi orqanına təqdim edilməsi qaydasını müəyyən edib Azərbaycan Respublikasının Prezidentinə məlumat verməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
