Düşünürəm ki, bu gün Qoşulmama Hərəkatının tarixində çox vacib bir gündür. Biz Bakıda Qoşulmama Hərəkatı Parlament Şəbəkəsinin əsasını qoyuruq.
APA xəbər verir ki, bunu Azərbaycan Prezidenti İlham Əliyev Qoşulmama Hərəkatı Parlament Şəbəkəsinin Bakı konfransında çıxışı zamanı bildirib.
Prezident Qoşulmama Hərəkatına üzv ölkələrə Azərbaycanın bu təşəbbüsünü dəstəklədikləri üçün təşəkkür edib.
“Bu bizim həmrəyliyimizi və qarşılıqlı dəstəyimizi gücləndirmək üçün digər bir addımdır. Mən Azərbaycan parlamentinin keçmiş üzvü və sizin keçmiş həmkarınız olaraq parlament diplomatiyasının və parlamentlərarası əlaqələrin nə qədər vacib olduğunu bilirəm”, - dövlət başçısı qeyd edib.
Prezident Parlament Şəbəkəsinin üzv ölkələr arasında həmrəyliyə töhfə verməklə bərabər, həm də dünyanın müxtəlif parlament təşkilatları ilə yaxın işgüzar münasibətlər yaradacağına əminliyini ifadə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
