Azərbaycan Mərkəzi Bankı (AMB) hazırda müştərinin identifikasiyası üzərində işləyir və bu kontekstdə Azərbaycan Mikromaliyyə Assosiasiyasının (AMFA) AMB-yə "mikrokredit" termininin daxil olunmasını təklif edib.
"APA-Economics"in məlumatına görə, bu barədə AMFA-nın İdarə Heyətinin sədri Cəlal Əliyev "Pandemiya sonrası perspektivlər: Rəqəmsallaşmağa doğru" mövzusuna həsr edilmiş 10-cu Azərbaycan Mikromaliyyə Konfransında deyib.
Onun sözlərinə görə, sözügedən mikrokreditlər verilərkən gəlirin və təminatın kreditə nisbətləri kimi əmsallar daha yüngül tətbiq olunması nəzərdə tutulur.
Bundan əlavə, C. Əliyev AMFA-nın Əmək və Əhalinin Sosial Müdafiəsi Nazirliyinə olan təklifinə də toxunub: "Bu, "özünüməşğulluq fəaliyyəti" kateqoriyasının daxil edilməsidir. Bura mikrosahibkarlığa qədər olan dövrdə gəlir yaratma fəaliyyətlərində əmsalların ya yüngül formada tətbiqi, ya da ümumiyyətlə tətbiq olunmaması daxildir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
