Azərbaycanda İxracın və İnvestisiyaların Təşviqi Fondu (Azpromo) Cənubi Koreya, İndoneziya və Vyetnam kimi yeni bazarlara çıxaraq fəaliyyətini genişləndirmək niyyətindədir.
"APA-Economics"in məlumatına görə, bunu Azpromo-nun prezidenti vəzifələrini icra edən Yusif Abdullayev Fondun 2019-cu ildəki fəaliyyətinə və "Made in Azerbaijan" brendinin təşviqi istiqamətində görülən işlər və qarşıda duran vəzifələrə həsr olunmuş mətbuat konfransında deyib.
Onun sözlərinə görə, Fond 12 yeni bazarı araşdırıb və qiymətləndirib: "Nəzərə alsaq ki, hazırda Asiya bazarı böyümə mərhələsindədir, seçim məhz sözügedən ölkələrdə dayanıb".