Azərbaycandan bitki mənşəli məhsulların Avropa İttifaqı ölkələrinə ixracının asanlaşdırılması istiqamətində işlər aparılır.
"APA-Economics"in məlumatına görə, bunu jurnalistlərə açıqlamasında Qida Təhlükəsizliyi Agentliyinin sədrinin müşaviri Elxan Mikayılov deyib.
Onun sözlərinə görə, hazırda Azərbaycanda qeyri-neft ixracında əsas məhsul fındıqdır: "Avropa İttifaqı tərəfindən bu məhsulun idxalından imtina hallarının aradan qaldırılması, yəni fındığın tərkibində aflotoksinin miqdarını Avropa İttifaqı normaları çərçivəsində olmasını təmin etmək üçün Agentlikdə tədbirlər planı qəbul edilib. Növbəti illər ərzində sistemli həyata keçiriləcək bu tədbirlər ölkədə fındığın istehsalı, emalı, qablaşdırılması və daşınmasını Avropa İttifaqının tələblərinə uyğun qurulmasına imkan verəcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
