Azərbaycan və Türkiyə ticarət əlaqələrinin genişləndirilməsini müzakirə ediblər

Azərbaycan və Türkiyə ticarət əlaqələrinin genişləndirilməsini müzakirə ediblər
  • Clock-gray 17:53
  • calendar-gray 16 Fevral 2021

Azərbaycan və Türkiyə kiçik və orta bizneslərin (KOB) iştirakı ilə məhsulların birgə istehsalı, qarşılıqlı satış imkanlarının genişləndirilməsi və KOB-lar arasında kooperasiya üçün geniş imkanlar mövcuddur.

"APA-Economics"in məlumatına görə, bunu Kiçik və Orta Biznesin İnkişafı Agentliyinin (KOBİA) təşəbbüsü və Türkiyənin Kiçik və Orta Müəssisələrin İnkişafı və Dəstəklənməsi Təşkilatının (KOSGEB) dəstəyi ilə "Bir məhsul, iki bazar: Azərbaycan-Türkiyə qarşılıqlı kooperasiya və ticarət imkanlarının genişləndirilməsi" mövzusunda təşkil olunan onlayn forumda çıxış edərkən KOBİA-nın İdarə Heyətinin sədri Orxan Məmmədov deyib.

O, KOBİA və KOSGEB-in bu istiqamətdə KOB subyektlərinə dəstək ola biləcəyini vurğulayıb.

Qeyd olunub ki, Azərbaycanın coğrafi mövqeyi və fərqli bazarlarda üstünlükləri bu kooperasiyanı həm də üçüncü bazarlara ixrac üçün səmərəli edə bilər.

Forumunun panel müzakirələrində iki ölkə arasında ticarət əlaqələrinin genişləndirilməsi imkanlarına, qarşılıqlı ticarətdə logistika, gömrük və texniki tənzimləmə məsələlərinə, kiçik və orta biznes subyektlərinin kooperasiya imkanlarına, Azərbaycanın investisiya imkanları və işğaldan azad olunmuş ərazilərin investisiya potensialına dair təkliflər səsləndirilib.

Hüseyn Vəliyev

Digər xəbərlər