Azərbaycanda çeklər üzrə 208 min manat ƏDV məbləği istehlakçılara geri ödənilib

Azərbaycanda çeklər üzrə 208 min manat ƏDV məbləği istehlakçılara geri ödənilib
  • Clock-gray 16:27
  • calendar-gray 09 İyun 2020

Azərbaycanda pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması mexanizminin tətbiqi davam etdirilir.

Dövlət Vergi Xidmətindən “APA-Economics”ə verilən məlumata görə, prosesin başlandığı may ayı ərzində alınmış mallara görə ödənilmiş ƏDV-nin qaytarılması üçün istehlakçıların müraciətlərinin qeydiyyata alındığı informasiya sistemi olan xüsusi portalda (www.edvgerial.az) 264 min nəfər qeydiyyatdan keçib. Qeydiyyata alınmış istifadəçilərdən 194 711-i və ya 74%-i əldə etdiyi kassa çekləri barədə məlumatları portaldakı elektron kabinet vasitəsilə sistemə daxil ediblər.

May ayı ərzində vətəndaşlar tərəfindən 2,9 milyondan çox kassa çeki barədə məlumat www.edvgerial.az portalında qeydə alınıb. Həmin çeklər üzrə geri ödənilməsi tələb olunan ƏDV-nin məbləği 1,7 mln. manat təşkil edir. Artıq təsdiq olunan çeklər üzrə 207,8 min manat ƏDV məbləği geri ödənilib və istehlakçıların elektron kabinetindəki virtual “pul qabı”na yerləşdirilib, qalan ƏDV məbləği isə geri ödənilmə müddəti üzrə gözləmədədir.

Hüseyn Vəliyev

Digər xəbərlər