Rusiya dekabrın 17-dən etibarən Azərbaycanın daha dörd müəssisəsinin ölkəyə pomidor ixrac etməsinə icazə verib.
APA-nın Moskva müxbirinin verdiyi xəbərə görə, bu barədə "Rosselxoznadzor" məlumat yayıb.
Məlumatda bildirilir ki, "Rosselxoznadzor" 17 dekabr 2020-ci il tarixdən etibarən Azərbaycanın Qida Təhlükəsizliyi Agentliyinin zəmanəti altında Azərbaycanın dörd müəssisəsinin Rusiya ərazisinə pomidor ixrac etməsinə icazə verilməsini mümkün hesab edir.
Rusiyaya pomidor ixrac etməsinə icazə verilən həmin müəssisələr Kürdəmir, Masallı, Salyan və Hacıqabul rayonlarında yerləşir.
Qeyd edək ki, "Rosselxoznadzor" dekabrın 16-dan Azərbaycanın Xızı rayonunda yerləşən "Aqroterm" müəssisəsinin Rusiyaya pomidor ixrac etməsinə icazə verildiyini açıqlamışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
