"Azərsun Holdinq" bölgələrdə düşmən atəşi nəticəsində zərər çəkmiş ailələrə ərzaq yardımı edib - FOTO

"Azərsun Holdinq" bölgələrdə düşmən atəşi nəticəsində zərər çəkmiş ailələrə ərzaq yardımı edib - FOTO
  • Clock-gray 15:12
  • calendar-gray 13 Noyabr 2020

Müzəffər ordumuzun həyata keçirdiyi uğurlu əks-hücum əməliyyatları nəticəsində işğal altında olan torpaqlarımız azad olunub, Azərbaycan əsgəri  üçrəngli şanlı bayrağımızı doğma yurdlarımızda zirvəyə sancıb. Nəticədə ordumuz qarşısında aciz qalan düşmən döyüşlərin getdiyi ərazilərdən kilometrlərlə uzaqda olan, dinc əhalini atəşə tutaraq onların zərər çəkməsinə səbəb olub. İllərdir ölkəmizdə ərzaq təhlükəsizliyinin təmin edilməsində mühüm rol oynayan və xalqımızın yanında olan “Azərsun Holdinq” yenə də ənənəsinə sadiq qalaraq bu istiqamətdə də müxtəlif layihələr həyat keçirir.

Bu dəfə şirkətlər qrupu Gəncə şəhəri İcra Hakimiyyəti və Tərtər rayonu icra hakimiyyətinin təşkilatçılığı ilə adıçəkilən bölgələrdə düşmən atəşi nəticəsində zərər çəkmiş 500-dən artıq ailəyə ərzaq yardımı etdi, 250-dən çox evini itirmiş insanı uşaq geyimləri daxil olmaqla geyim dəstləri ilə təmin etdi. 

Qeyd edək ki, hərbi əməliyyatların başladığı ilk günlərdə “Azərsun Holdinq” Silahlı Qüvvələrə Dəstək Fonduna 1 milyon manat ianə edib. Bununla bərabər adıçəkilən Şirkətlər Qrupunun 700-ə yaxın əməkdaşı ordu sıralarına qoşularaq Vətən müharibəsində iştirak etdi. “Azərsun Holdinq” tərəfindən  40 texnika Silahlı Qüvvələrin sərəncamına verildi, ərzaq məhsullarının saxlanılması şəraitinin yaxşılaşdırılması və anbar sahələrinin genişləndirilməsi məqsədilə  Şirkətlər Qrupu öz hesabına, ümumi sahəsi 1080 m2  olan 3 qida anbarı inşa edərək əvəzsiz şəkildə Müdafiə Nazirliyinin balansına keçirib. İllərdir düşmən işğalında olan torpaqlar, rəşadətli ordumuz tərəfindən yenidən düşmən tapdağından azad olunduqdan sonra bu bölgələrdə aparılan, infrastruktur yenidənqurma işlərində “Azərsun Holdinq” də tikinti, quruculuq işləri üçün nəzərdə tutulmuş xüsusi texnikalarla dəstək verir.

“Azərsun Holdinq” hər zaman Ali Baş Komandan İlham Əliyevin, xalqımızın və Azərbaycan əsgərinin yanında olacaq, istər maddi, istərsə də mənəvi dəstəyini əsirgəməyəcək.

APA-Economics

Digər xəbərlər