Ötən il Azərbaycanda muzdlu işçilərin sayı bir il öncəki göstəricini 45 209 nəfər və ya 2,7% üstələyərək 1 691 814 nəfər təşkil edib.
"APA-Economics"in Dövlət Statistika Komitəsinin hesabatı əsasında apardığı hesablamalarına görə, 2020-ci ildə ölkə üzrə muzdlu işçilərin 50,8%-i və ya 859 357 nəfəri Bakıda fəaliyyət göstərib ki, bu da 2019-cu ilin göstəricisindən 43 796 nəfəri və ya 5,4% çoxdur.
2020-ci ildə muzdlu işçilərin 53,8%-i və ya 910 766 nəfəri dövlət sektorunda fəaliyyət göstərib. Bu da 2019-cu ilin göstəricisindən 5 678 nəfər və ya 0,6% azdır.
Ötən il ərzində qeyri-dövlət sektorunda muzdlu işçilərin sayında 50 887 nəfər və ya 7% artım qeydə alınıb.
2020-ci ildə ölkə üzrə muzdlu işçilərin orta aylıq nominal əməkhaqqı 707,3 manat olub ki, bu da 2019-cu ilin göstəricisindən 11,4% çoxdur. Bu göstərici üzrə yüksək əməkhaqqı Bakıda (927,2 manat) qeydə alınıb ki, bu göstərici son bir ildə 6,7% artıb.
Ötən il ölkədə dövlət və qeyri-dövlət sektorları üzrə muzdlu işçilərin orta aylıq nominal əməkhaqqı müvafiq olaraq 631,1 manat və 801,8 manat təşkil edib. Bu göstəricilər 2019-cu ilə nisbətdə müvafiq olaraq 18,8% və 4,4% artıb. Bakı üzrə bu göstərici dövlət sektorunda 804,9 manat (14,8% artım), qeyri-dövlət sektorunda isə 1041,1 manat (artım 0,8%).təşkil edib.
2020-ci ildə iqtisadi fəaliyyət növləri üzrə muzdlu işçilərin daha yüksən orta aylıq nominal əməkhaqqı mədənçıxarma sənayesində olub – 3 262,6 manat. Bu bir il öncəki göstəricidən 6,8% çoxdur. Mədənçıxarma sənayesində dövlət və qeyri-dövlət sektorları üzrə isə orta aylıq nominal əməkhaqqı 1 638,2 manat və 4 291,3 manat olub ki, bu da müvafiq olaraq 2019-cu ilin göstəricilərinə nisbətdə 10,7% və 6,7% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
