“Məqsədimiz getdikcə qloballaşan Azərbaycan şirkətlərini İSO standartları haqqında məlumatlandırmaqdır”.
Bu barədə “APA-Economics”ə açıqlamasında İSO/TC 251 Texniki Komitəsinin katibi, Britaniya Standartlar İnstitutunun Standartların inkişafı şöbəsinin müdiri Çarlz Korri deyib.
Qeyd edək ki, dekabrın 12-də “AQS Group” və Britaniya Standartlar İnstitutunun birgə təşkilatçılığı ilə Ç. Korri Bakıda “İdarəetmə sistemlərinə aid olan yeni İSO standartları haqqında müəllifdən məlumatlar” mövzusunda master-klass keçirib.
Onun sözlərinə bu master-klass sayəsində şirkətlər beynəlxalq standartlar haqqında biliklərini artıra biləcək. Ç. Korri əlavə edib ki, bu, onun İSO standartları ilə bağlı Azərbaycanda keçirdiyi artıq ikinci master-klassdır və yeni proqram əvvəlki proqramla demək olar eynidir, çünki informasiyanın daha yaxşı çatdırılması üçün onun təkrarlanması vacibdir.
Bundan başqa, “AQS Group” şirkətinin icraçı direktoru Azər Tağıyev “APA-Economics”ə açıqlamasında bildirib ki, belə tədbirlərə müxtəlif şirkət rəhbərləri və keyfiyyət üzrə menecerlər dəvət olunur: “Bunun məqsədi rəhbər vəzifədə çalışan insanları hazırkı standartlar haqqında məlumatlandırmaq və bu sahədə onların savadlılığını artırmaqdan ibarətdir”.
Qeyd edək ki, Çarlz Korri İSO 9001 standartının hazırlanmasına rəhbərlik edən İSO/TC 176/SC 2 Texniki Komitəsinin, İSO 45001 standartının hazırlanmasına rəhbərlik edən İSO/PS 283 Texniki Komitəsinin layihə qrupunun və İSO 55001 standartının hazırlanmasına rəhbərlik edən İSO/TC 251 Texniki Komitəsinin katibi, Britaniya Standartlar İnstitutunun Standartların inkişafı şöbəsinin müdiridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
