Dövlət Xidməti malların ixrac qeydi ilə satışı qaydasına aydınlıq gətirib - VİDEO

Dövlət Xidməti malların ixrac qeydi ilə satışı qaydasına aydınlıq gətirib - VİDEO
  • Clock-gray 12:05
  • calendar-gray 19 Noyabr 2020

“Malların ixrac qeydi ilə satışı Qaydası” ölkə ərazisində istehsal olunan və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan peşəkar ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.

APA-Economics”in məlumatına görə, bunu Dövlət Vergi Xidmətinin şöbə rəisi Elnur Yusifov malların ixrac qeydi ilə satışı qaydasını şərh edərkən deyib.

Qeyd edək ki, "Malların ixrac qeydi ilə satışı Qaydası” Nazirlər Kabinetinin 448 № li Qərarı ilə təsdiq edilib.

E. Yusifovun sözlərinə görə, “Malların ixrac qeydi ilə satışı Qaydası”nda ixrac qeydi ilə satış həyata keçirən şəxsə (istehsalçıya) və ixrac qeydi ilə alınan malların ixracını həyata keçirən şəxsə (ixracatçıya) dair tələblər, malların ixrac qeydi ilə satışına aid edilməyən şəxslər və əməliyyatlara nəzarət, ixrac qeydi ilə malların ixracının həyata keçirilməsi prosesinə nəzarət tədbirləri öz əksini tapır.

“Bu imkandan yararlanmaq üçün istehsalçı və ixrac qeydi ilə alınan malların ixracını həyata keçirən şəxs (ixracatçı) “Qayda”da onlar üçün müəyyən edilmiş tələblərə cavab verməlidirlər. “Qayda”nın 3-cü hissəsində müəyyən edilmiş şəxslər və əməliyyatlar istisna olmaqla, “Qayda” ölkə ərazisində qeyri-neft məhsulları istehsal edən bütün istehsalçılara və ixracatçılara şamil olunur. İstehsalçı ixrac üçün nəzərdə tutulan məhsulu ixracatçıya təqdim edərkən Vergi Məcəlləsinin 165.1.9-cu maddəsinə müvafiq olaraq ƏDV-yə (0) dərəcə ilə cəlb olunur”, - deyə E. Yusifov qeyd edib.

O həmçinin əlavə edib ki, bu mexanizm ixracatçının ixrac edəcəyi malların alışına görə ödəməli olduğu ƏDV-nin məbləği qədər dövriyyə vəsaitinə qənaət etməsinə şərait yaradır və inzibatçılıq yükünü azaldır.

Hüseyn Vəliyev

Digər xəbərlər