Bu ilin yanvar-oktyabr ayları ərzində Gürcüstan Azərbaycana 320,27 min ABŞ dolları dəyərində 337,29 ton pivə ixrac edib.
Bu barədə APA-nın yerli bürosuna Gürcüstan Milli Statistika İdarəsindən (GEOSTAT) məlumat verilib.
Bildirilib ki, hesabat dövründə Azərbaycana ixrac edilən məhsulun dəyəri illik ifadədə 40,84 min dollar və ya 11,3% azalıb, həcmi isə 7,99 ton və ya 2,4% artıb. Belə ki, 2019-cu ilin yanvar-oktyabr ayları ərzində Gürcüstan Azərbaycana 361,11 min dollar dəyərində 329,30 ton pivə ixrac edib.