JTI yenidən “Ən yaxşı işəgötürən” şirkət seçilib

JTI yenidən “Ən yaxşı işəgötürən” şirkət seçilib
  • Clock-gray 17:28
  • calendar-gray 19 Fevral 2020

JTI (Japan Tobacco International) Azərbaycanda, Avropada, Asiya-Sakit Okean bölgəsində və qlobal olaraq 2020-ci ilin “Ən yaxşı işəgötürən” şirkəti seçilib.

APA xəbər verir ki, "Ən yaxşı işəgötürən" qurumlar insanlara önəm verən proqressiv insan resursları siyasəti ilə öz işçilərinə ən yaxşı iş şəraiti yaradır. JTI 2014-cü ildən bəri 7 ildir ki, ardıcıl “Ən yaxşı işəgötürən” seçilir.

Ötən illərdə olduğu kimi, JTI yenə də Azərbaycanda “Ən yaxşı işəgötürən” adının qazanmış yeganə şirkətdir.

Bu adı qazanmaq üçün şirkət insan resursları üzrə müstəqil attestasiya şirkəti olan Ən Yaxşı İşəgötürənlər İnstitutu (Top Employers Institute) tərəfindən müəyyən edilmiş minimum standartlara cavab verməlidir. Şirkətlər insan resursları sahəsində ən yaxşı praktikalara dair ətraflı sorğu vasitəsilə qiymətləndirilir. 100 sualdan ibarət sorğuda şirkətin istedadların yetişdirilməsi strategiyası, işçi qüvvəsinin planlaşdırılması, istedadların əldə edilməsi, yeni işçilərin adaptasiyası, öyrənmə və inkişaf, fəaliyyətin idarə olunması, liderliyin inkişafı, karyera və ardıcıllığın idarə edilməsi, kompensasiya və müavinətlər və mədəniyyət kimi sahələr müfəssəl dəyərləndirilir.

Ən Yaxşı İşəgötürənlər İnstitutunun Qlobal Attestasiya Proqramı çərçivəsində beş qitədə yerləşən 119 ölkədə və bölgədə 1600-dən çox ən yaxşı işəgötürən şirkət müəyyən edilib.

JTI Qafqaz və Belarusun Baş meneceri Konstantin Fyodorov bu münasibətlə belə deyib: “Ən yaxşı işəgötürən kimi nüfuzlu mükafat müəyyən etdiyimiz yüksək normaları və işçilər üçün müstəsna iş şəraiti yaratmaq məqsədimizi təsdiq edir. Biz işçilərin seçimi olmaq üçün davamlı təkmilləşmə və innovasiyaya can atırıq, lakin ən əhəmiyyətlisi odur ki, JTI şirkətini onun işçiləri ən yaxşı işəgötürənə çevirir”.

Qeyd edək ki, JTI 130-dan çox ölkədə fəaliyyət göstərən aparıcı beynəlxalq tütün və elektron siqaret məhsulları istehsalçısıdır. Şirkət “Winston” və “Camel” kimi brendlərin ABŞ-dan kənarda sahibidir. Digər brendlərə “Sobranie”, “Mevius” və LD daxildir. JTI beynəlxalq elektron siqaret bazarında da “Logic” və tütün buxar məhsulu “Ploom” brendləri ilə aparıcı şirkətdir. Mənzil-qərargahı Cenevrədə yerləşən şirkətdə 45 000 əməkdaş çalışır. Azərbaycanda JTI şirkətinin 70 əməkdaşı var. JTI Japan Tobacco Şirkətlər Qrupuna daxildir. www.jti.com

Karyera imkanları üçün: https://jobs.jti.com/ 

 

apa-logo-mini

Digər xəbərlər