Tbilisidə səfərdə olan Azərbaycan nümayəndə heyəti Gürcüstanın Baş naziri ilə görüşüb

Tbilisidə səfərdə olan Azərbaycan nümayəndə heyəti Gürcüstanın Baş naziri ilə görüşüb
  • Clock-gray 15:59
  • calendar-gray 10 Fevral 2020

Tbilisidə səfərdə olan İqtisadiyyat naziri Mikayıl Cabbarovun rəhbərlik etdiyi Azərbaycan nümayəndə heyəti Gürcüstanın Baş naziri Giorgi Qaxaria ilə görüşüb.

APA-nın yerli bürosunun xəbərinə görə, Azərbaycanın nümayəndə heyətinə İqtisadiyyat Nazirliyinin, “Azərbaycan Dəmir Yolları” QSC-nin və “Bakı Beynəlxalq Dəniz Ticarət Limanı” QSC-nin yüksək vəzifəli rəsmiləri daxildir.

Gürcüstanın Baş naziri Giorgi Qaxaria ilə görüşdə Gürcüstanın dost Azərbaycan ilə əlaqələrin inkişafında maraqlı olduğu, hər iki ölkənin iştirakı ilə reallaşdırılan layihələrin iki xalqın rifahına, bütünlükdə regionun inkişafına xidmət etdiyi, strateji tərəfdaşlığın daha da möhkəmləndirdiyi vurğulanıb.

Görüşdə həmçinin Azərbaycanın təşəbbüsü ilə reallaşdırılan Bakı-Tbilisi-Ceyhan, Bakı-Tbilisi-Ərzurum, Bakı-Tbilisi-Qars kimi qlobal əhəmiyyətli enerji və nəqliyyat layihələrində hər iki ölkənin fəal əməkdaşlığı qeyd edilib, tərəfdaşlıq əlaqələrinin genişləndiyi diqqətə çatdırılıb.

Tərəflər Azərbaycan-Gürcüstan iqtisadi əlaqələrinin inkişafı istiqamətlərinə, qarşılıqlı maraq doğuran digər məsələlərə dair müzakirələr aparıblar.

Səid Babazadə

Digər xəbərlər